Bismillahirahmannirrahim
Wajeb iman dum geutanyoe akan Nabi,
Wajeb pateh pee nyang neukhen uleh Nabi.
Betapateh nyang goh datang Neupeuhaba
Misee mawot nyang that saket taperasa.
Miseu Neupegah azeb kubu di sikaphe,
Ureng maksiet nyan tan taubat mate jahe
Ureng mukmin nebri nekmat dalam kubu,
Nekmat syuruga Tuhan buka kenan laju.
Betapateh uroe kiamat dudoe teuka,
Nyagkeuh uroe kesudahan haroe-hara.
Buleen uroe pih gurahna bintang mehambo,
Langet melinggang bumoe mengunvang mehambo- hamboe.
Suroh Tuhan Israfi yob sangkakala,
Habeh mate bandum sare saffan-saffa.
Habe mate bandum sare malingkan Tuhan,
Langet bumoe kon le menoe ka neusimpan.
Na peet ploh thon nyang menan nyan saffa- saffa.
Tema turoen ujeen puteh maulhaiya.
Habeh timoh bandum tuboh ka teduek-duek,
Pakaian tan bandum telhon bineh uruek.
Tema neuyub sangkakala le Israfil,
Mewoe nyawong tema bandum tan le mate
Tema geron ka geu himpon u Padang Masyha,
Dum na rakyat ka Geuhisab geupareksa.
Oh mehimpon dum na rakyat geujok surat,
Ladoem cok wie ladom uneun ban nyang babat.
Nyang cok unen nyangkeh ureng yang meubahgia,
Nyang cok ngen wie hana bahgia ka celaka.
Tema Geuceng (timang) dum na ‘amai lam neraca,
Get dengen jahet phui dengan geuhon sinan nyata.
Nyang geuhon ‘amai kebajikan lam syeruga,
Nyang phui paloe dum gepasoe lam nuraka.
Tema tajak ateu titi siratalmustakim,
Haloh pih that geupeduk ateuh nuraka jahim.
Panyang titi saboh rawi lhee ribee thon,
Taek tajak ateeh pucak dengon tatron.
Titi haloh lagi tajam nibak pedeeng,
Dum na haloh sidom putohoh melinteeng.
Tema nyang jak ateeh titi le ban babat,
Karonya ALLAH ladom pantah na ban kilat.
Ladom pantah na dum bagah angen bawa,
Ladom tema na ban guda gepoh lawa.
Tema ladoem ban ureng plueng nyang that baca,
Ladom tema pantah bacut han that lanja.
Ladum bedeuh me’ei- me’ei meusek- meusek,
Meuhila-hila lam nuraka ka teusirek.
Nyang seulamat ateeh titi jemerang (menyebrang) pih troh,
Bak Hud Nabi Krueng Kalkausa sinan piyoh.
Bineh krueng nyan kande pih le na ban bintang,
Asoe mehat dum seb sidroe han peu riwang.
NYan jeb ie nyan deuk pih han le grah pih han le,
Karonya hak hoe nyang galak kenan neubri.
Leh nyan teuma ureng mukmin tamong syeruga,
Suntok sabe tbiet han le ruek-ruek masam.
Kekal sinan cit hana had hana hingga,
Dalam nikmat suntok mangat catirasa.
Ngon boh kaye cit metentee rasa le ban,
Soe nyang pajoh pruet han sengkoh lam sukaan.
Suntok kayem lam tekhem-khem hate mangat,
Ngon makanan dan minuman lazat-lazat.
Tuha han lesaket han le ruek-ruek mas,
‘Umu sadum saban-saban muda belia.
Di sikaphe dum tegule lam nuraka,
Tetap sinan jeet tebirt han ruek-ruek masa.
Padum ‘adeeb uroe malam han tedoh,
Ke makanan boh zakom nyan ka jipajoh.
Boh zakom nyan tutong pih that tajam ban duroe,
Soe nyang pajoh hangoh tuboh apui sinaroe.
Ureng mukmin umat nabi yang medesya ,
Nyan tan teebat nyan pih geutot lam nuraka.
Kira-kira ube desya dum nan getot,
Han jilala apui nuraka bak han patot.
Ladom tutong meng oh gaki oh nan sahja,
Ladom beteh ladom habeh ladom ‘oh pha.
Ladom tutong meng ‘oh takue ‘ella dada,
Tema ladom habeh bandum ella muka.
Sicut-cut ‘adeeb page ngon lon pegah,
Kawoh apui nibak gaki bandua blah.
Tuleeng urat asoe utak bandum rele,
Tema geboh ban sot tema ‘adeeb sabe.
Pdup na trep nyan ‘adeeb lam nuraka,
Lheeh nyan tema gaseh Tuhan nekelua.
Karonya Tuhan nepetebiet ureeng mukmin,
Yoh lam donya iman jiba dengon yakin.
Lom syufa’at saidil Nabi kita,
Nyang umat dum ban sinaroe nekelua.
Tieb-tieb ureng nyang na iman yoh lam dunya,
Walau maksiet nepeutbiet lam nuraka.
Nyang yakin dalam hate Tuhan sidroe,
Kong ‘etikeet hana murtad wahe adoe
Dengan iman dalam hate Tuhan sidroe,
Koeng ‘etikeet hana murtad wahai adoe.
Dengon iman dalam hate akan Nabi,
Jih gepenan wahe taulan mokmin ‘asi.
Beu tai man wahe nyak cut dan he cut da,
Roe cit kebit nyang geupegah taperasa
Beu taingat wahe sahbat rakan duem na,
Suroeh tegah bek ta bantah tapecaya.
Sembahyang limong bek ta tinggai betajaga,
Ban gepegah dhoe takekah bak musalla.
Tamat oh nyoe na lon nyoe lon pehabeh,
Meng na ‘umu laen buhu ulon rinteh.
----------------***********------------------
Tidak ada komentar:
Posting Komentar